22 September, 2020 10:37 AM IST | London | IANS
શાહીન આફ્રિદી
રવિવારે વિટાલિટી બ્લાસ્ટમાં રમાયેલી ટી૨૦ મૅચમાં પાકિસ્તાનના ફાસ્ટ બોલર શાહીન આફ્રિદીએ હેમ્પશર વતી મિડલસેક્સ સામે રમતાં ચાર બૉલમાં ચાર વિકેટ લઈને તરખાટ મચાવ્યો હતો. આફ્રિદીએ મૅચમાં ૧૯ રન આપીને ૬ વિકેટ લીધી હતી. હેમ્પશરના કોઈ પણ બોલરે કરેલો આ બેસ્ટ પર્ફોર્મન્સ બની રહ્યો છે. હરીફ ટીમને જીતવા માટે ૧૮ બૉલમાં ૨૩ રનની જરૂર હતી અને તેમની ચાર વિકેટ બાકી હતી ત્યારે હેમ્પશરના કૅપ્ટને ૧૮મી ઓવર આફ્રિદીને આપી હતી. શરૂઆતના બે બૉલમાં રન મેળવ્યા બાદ ત્રીજા બૉલથી આફ્રિદીએ ઉપરાછાપરી યૉર્કર નાખી બૅટ્સમેનોના દાંડિયા ગુલ કરીને તેમને પૅવિલિયનભેગા કરી દીધા હતા. આ સીઝનમાં હેમ્પશરની આ પહેલી જીત હતી.