બૉબી ડાર્લિંગ સાથે મારા કોઈ સંબંધો નથી : મુનાફ

બૉબી ડાર્લિંગ સાથે મારા કોઈ સંબંધો નથી : મુનાફ

 

બૉબી ડાર્લિંગે મુનાફ સાથે પોતાને બહુ સારી ફ્રેન્ડશિપ હોવાનું એક ઇન્ટરવ્યુમાં કહ્યું એને પગલે મુનાફે તેના વિશે આકરા પ્રત્યાઘાતો આપ્યા છે. મુનાફ ઈજાની સારવાર માટે વિદેશ ગયો છે અને ત્યાંથી તેણે એક ઇન્ટરવ્યુમાં કહ્યું હતું કે ‘અલ્લાનું નામ લઈને કહું છું કે બૉબી ડાર્લિંગ સાથે મારી કોઈ રિલેશનશિપ નથી. હું તેને ઓળખતો જ નથી.

માત્ર એક પાર્ટીમાં તેને જોયા સિવાય મને તેના વિશે કંઈ ખબર પણ નથી. તેની સાથે મારું નામ જોડવામાં આવતાં મારી પ્રતિષ્ઠાને ઘણું નુકસાન થયું છે. લોકો મારા પર હસે છે. મારી વફાદારી પર મારી પત્નીને પૂરો ભરોસો છે અને મારા વિશે જે કહેવામાં આવ્યું છે એ મારી પત્નીને પણ નથી ગમ્યું. બૉબી પુરુષ હોય કે સ્ત્રી, જે કંઈ હોય પણ તેને હું નહીં છોડું. તેણે મારી સાથે સંબંધો હોવાનું જો ખરેખર કહ્યું હશે તો હું તેને કોર્ટમાં લઈ જઈશ.’