ઈ-મેઇલ પર એક કરોડ રૂપિયાની માગણી સાથે મોહમ્મદ શમીને જાનથી મારી નાખવાની ધમકી

વર્તમાન સીઝનમાં નવ મૅચમાં છ વિકેટ લઈને ખરાબ ફૉર્મમાંથી પસાર થઈ રહેલા શમીને ગઈ કાલે દિલ્હી સામેની મૅચમાં પ્લેઇંગ ઇલેવનમાં સ્થાન મળ્યું નહોતું.

મોહમ્મદ શમી

IPL 2025માં સનરાઇઝર્સ હૈદરાબાદ માટે રમી રહેલા સ્ટાર ભારતીય ફાસ્ટ બોલર મોહમ્મદ શમીને ઈ-મેઇલ દ્વારા જાનથી મારી નાખવાની ધમકી મળી હતી. અહેવાલો અનુસાર ઉત્તર પ્રદેશના અમરોહાના ૩૪ વર્ષના આ ક્રિકેટરને કોઈ રાજપૂત સિંધર નામની વ્યક્તિ તરફથી ઈ-મેઇલ ઍડ્રેસ દ્વારા ધમકી આપી એક કરોડ રૂપિયાની માગણી કરી હતી. શમીના ભાઈ મોહમ્મદ હસીબે અમરોહા પોલીસને આ બાબતની જાણ કરી અને કડક કાર્યવાહીની માગણી કરતો ફરિયાદપત્ર સુપરત કર્યો છે. વર્તમાન સીઝનમાં નવ મૅચમાં છ વિકેટ લઈને ખરાબ ફૉર્મમાંથી પસાર થઈ રહેલા શમીને ગઈ કાલે દિલ્હી સામેની મૅચમાં પ્લેઇંગ ઇલેવનમાં સ્થાન મળ્યું નહોતું.