પાક પ્લેયર્સ બટ-આમિર-આસિફને સાત વર્ષ સુધીની જેલ થઈ શકે
જ્યુરીના ૧૨ મેમ્બરોમાં શ્વેત અને અશ્વેત જાતિના મેમ્બરોનો સમાવેશ છે. ૧૨માંથી છ પુરુષો અને છ મહિલાઓ છે. ચારથી પાંચ અઠવાડિયાં ચાલનારી કોર્ટની સુનાવણીની મુખ્ય વિધિ આજે (ભારતીય સમય મુજબ બપોરે અઢી વાગ્યે) શરૂ થશે. ત્રણેય પાકિસ્તાની પ્લેયરો પર છેતરપિંડીના કાવતરામાં ભાગ લીધો હોવાનો તેમ જ ફિક્સિંગની રકમ મેળવી હોવાનો આરોપ છે. તેઓ પોતાનો ગુનો કબૂલી ચૂક્યા હોવાનું મનાય છે. આસિફ અંગ્રેજી ભાષા બરાબર ન સમજી શક્તો હોવાથી પંજાબી ભાષામાં અનુવાદ કરનારને તે કોર્ટમાં પોતાની સાથે લાવ્યો હતો.