ઇંગ્લૅન્ડની કૅપ્ટન નેટ સિવર-બ્રન્ટ બે વર્લ્ડ કપ મૅચમાંથી બહાર

વેસ્ટ ઇન્ડીઝ સામેની આગામી બે મૅચમાં ઉપલબ્ધ રહેશે નહીં

ઇંગ્લૅન્ડની કૅપ્ટન નેટ સિવર-બ્રન્ટ

યજમાન ઇંગ્લૅન્ડને વિમેન્સ T20 વર્લ્ડ કપ 2026ના અભિયાનમાં મોટો ફટકો પડ્યો છે. ટીમની કૅપ્ટન નેટ સિવર-બ્રન્ટને ફરીથી ડાબા પગના સ્નાયુઓમાં ઇન્જરી થઈ છે. આયરલૅન્ડ સામેની મૅચમાં તે ૪૮ રન કર્યા બાદ સ્નાયુઓ જકડાઈ જવાથી રિટાયર્ડ હર્ટ થઈ હતી.

વર્લ્ડ કપની ગ્રુપ-સ્ટેજ મૅચમાં નેટ સિવર-બ્રન્ટ સ્કૉટલૅન્ડ અને વેસ્ટ ઇન્ડીઝ સામેની આગામી બે મૅચમાં ઉપલબ્ધ રહેશે નહીં. તેની ગેરહાજરીમાં ન્યુ ઝીલૅન્ડ અને ભારત સામેની દ્વિપક્ષીય સિરીઝમાં કૅપ્ટન્સી કરનાર ઑલરાઉન્ડર ચાર્લી ડીન ટીમની આગેવાની કરશે.