અફઘાનિસ્તાનના ક્રિકેટર મોહમ્મદ નબીના નામે નોંધાયો મેન્સ T20 વર્લ્ડ કપ 2026નો પહેલો દંડ

અમદાવાદની એ ડબલ સુપરઓવર મૅચ દરમ્યાન મોહમ્મદ નબીને ICCની આચારસંહિતાની કલમ ૨.૪ના ઉલ્લંઘનનો દોષી ઠેરવવામાં આવ્યો હતો

મેચ સમયની તસવીર

મેન્સ T20 વર્લ્ડ કપ 2026નો પહેલો આચારસંહિતાનો ભંગ અફઘાનિસ્તાનના મોહમ્મદ નબીએ કર્યો છે. સાઉથ આફ્રિકા સામેની બુધવારની મૅચ દરમ્યાન ICCની આચારસંહિતાના લેવલ ૧ના ઉલ્લંઘન બદલ ૪૧ વર્ષના ઑલરાઉન્ડર મોહમ્મદ નબીને મૅચ-ફીના ૧૫ ટકાનો દંડ ફટકારવામાં આવ્યો છે. આ મૅચમાં તે ૬ બૉલમાં માત્ર પાંચ રન કરી શક્યો હતો. સ્પિનર તરીકે તેણે બે ઓવરમાં ૨૦ રન આપ્યા હતા.

અમદાવાદની એ ડબલ સુપરઓવર મૅચ દરમ્યાન મોહમ્મદ નબીને ICCની આચારસંહિતાની કલમ ૨.૪ના ઉલ્લંઘનનો દોષી ઠેરવવામાં આવ્યો હતો. આ કલમ અમ્પાયરની સૂચનાનો અનાદર કરવા સંબંધિત છે. આ ઘટના અફઘાનિસ્તાનની ઇનિંગ્સની ૧૪મી ઓવરની શરૂઆતમાં બની હતી જ્યારે મોહમ્મદ નબીએ સાઉથ આફ્રિકાના લુન્ગી ઍન્ગિડીના કાંડા પરના બૅન્ડ માટે અમ્પાયર સાથે ઝઘડો કર્યો હતો.