31 July, 2022 06:10 PM IST | Mumbai | Ajay Motivala
ગુરુરાજા જીત્યો બ્રૉન્ઝ
વેઇટલિફ્ટર ગુરુરાજા પૂજારી કૉમનવેલ્થ ગેમ્સમાં પુરુષોની ૬૧ કિલોગ્રામ કૅટેગરીમાં બ્રૉન્ઝ મેડલ જીત્યો હતો. ઑસ્ટ્રેલિયાના ગોલ્ડ કોસ્ટમાં ૨૦૧૮માં રમાયેલી આ સ્પર્ધામાં તેણે સિલ્વર મેડલ જીત્યો હતો. ગુરુરાજા કુલ ૨૬૯ કિલો વજન ઉપાડીને ત્રીજા ક્રમાંકે આવ્યો હતો. મલેશિયાના અઝનીલ બિન બિદિન મોહમ્મદે કુલ ૨૮૫ કિલો વજન ઊંચકીને આ સ્પર્ધાનો નવો રેકૉર્ડ બનાવ્યો હતો, તો પપુઆ ન્યુ ગિનીનો મોરિયા બારુ ૨૭૩ કિલો વજન ઊંચકીને બીજા ક્રમાંકે હતો. ભારતનો કૉમનવેલ્થમાં આ બીજો મેડલ હતો.