15 May, 2020 05:37 PM IST | Mumbai Desk | Agencies
ડુ પ્લેસી
સાઉથ આફ્રિકા ક્રિકેટ ટીમના પ્લેયર ફૅફ ડુ પ્લેસીએ સલાહ આપતાં કહ્યું કે ટી૨૦ વર્લ્ડ કપ પહેલાં અને પછી પ્લેયરોને આઇસોલેશનમાં રાખવામાં આવવા જોઈએ. આ વર્લ્ડ કપ ઑક્ટોબર-નવેમ્બરમાં યોજાય કે નહીં એ વિશે કોઈ માહિતી નથી, પરંતુ એની તૈયારી તો ચાલી જ રહી છે. આ વિશે ડુ પ્લેસીએ કહ્યું કે ‘હું શ્યૉર નથી, પણ ઘણા દેશો માટે ટ્રાવેલિંગ એક મોટો પડકાર છે અને એ લોકો ડિસેમ્બર કે જાન્યુઆરીની વાત કરી રહ્યા છે. જોકે ઑસ્ટ્રેલિયામાં બીજા દેશો જેટલી અસર નથી થઈ માટે બંગલા દેશ, સાઉથ આફ્રિકા, ઇન્ડિયાથી લોકોને લાવવા એ એક પ્રકારનું જોખમ જ છે. જોકે આયોજકો પ્લેયરોને બે અઠવાડિયાં આઇસોલેશનમાં રાખવાની સગવડ આપી શકે છે અને પછી ગેમ રમાડી શકે છે. મને નથી ખબર કે સાઉથ આફ્રિકા ક્યારે પોતાનો ટ્રાવેલ પર લગાવેલો પ્રતિબંધ હટાવશે.’