13 December, 2011 09:21 AM IST |
વૉર્ન શુક્રવારે શરૂ થતી બિગ બૅશની મેલબૉર્ન સ્ટાર્સ નામની ટીમમાં છે. તે જમણા હાથની આંગળીઓમાં દાઝી ગયો હોવાથી શુક્રવારની પ્રથમ મૅચમાં કદાચ નહીં રમી શકે.
વૉર્ને થોડા દિવસ પહેલાં ઇંગ્લૅન્ડની ઍક્ટ્રેસ લિઝ હર્લી સાથે સગાઈ કરી હતી. વૉર્ન ઑસ્ટ્રેલિયામાં જે બંગલામાં રહે છે એની કિંમત ૬૦ લાખ ડૉલર (૩૦ કરોડ રૂપિયા) છે. રવિવારે તે કિચનમાં માંસની એક વાનગી બનાવી રહ્યો હતો ત્યારે તે દાઝી ગયો હતો. આ બનાવના સમાચાર થોડી જ વારમાં ક્રિકેટજગતમાં ફેલાઈ ગયા હતા. તેણે સોશ્યલ નેટવર્કિંગ વેબસાઇટ ટ્વિટર પર આ ઘટના વિશે ચાહકો માટે રમૂજી પ્રત્યાઘાત આપ્યો હતો. તેણે લખ્યું લખ્યું હતું કે ‘બિગ બૅશ માટેની સોમવારની પ્રૅક્ટિસ-મૅચ પહેલાં મેં કિચનમાં આવી પ્રૅક્ટિસ કરીને બહુ ખોટું કર્યું. હું બોલિંગ કરું છું એ જ હાથમાં દાઝી ગયો છું. પ્લીઝ, મને કોઈ ઉપચાર બતાવજો. જોકે એક વાત કરી દઉં કે હવે મારે માસ્ટર શેફ બનવા કોઈ કોશિશ નથી કરવી. તમારો મૂર્ખ મિત્ર શેન!’
આ કોઈ ડ્રામા છે?
આઇપીએલના ફૉર્મેટ પર રમાનારી બિગ બૅશને પ્રમોટ કરવા વૉર્નનો આ બનાવ માત્ર એક નાટક હોવાની અથવા વૉર્નને નજીવી ઈજા હોવા છતાં એને મોટું સ્વરૂપ આપવાનો આ ડ્રામા હોવાની અફવા છે