26 March, 2020 01:41 PM IST | Mumbai Desk | Gujarati Mid-day Online Correspondent
હાર્દિક પાંડ્યા સાથે મંગેતર નતાશા
કોરોના વાયરસના વધતાં કેસને જોતાં વડાપ્રધાન નરેન્દ્ર મોદીએ 21 દિવસ સુધી જનતા કર્ફ્યૂની જાહેરાત કરી છે. જેને કારણે કોઇપણ બહાર નહીં નીકળે. સેલેબ્સ પણ પોતાના પરિવારજનો સાથે ક્વૉરન્ટાઇન દરમિયાનનો સમય એન્જૉય કરી રહ્યા છે. આ દરમિયાન 'બિગ બૉસ' ફેમ નતાસા સ્તાનકોવિકે પણ પોતાના મંગેતર ક્રિકેટર હાર્દિક પંડ્યા સાથે ક્વૉરન્ટાઇનમાં સમય પસાર કર્યો. બન્નેને હાલ ક્વૉરંટાઇનમાં એકબીજા સાથે સમય પસાર કરવાની તક મળી છે. ક્વૉરન્ટાઇનમાં વીતાવેલા રોમાન્ટિક પળોની તસવીર નતાશાએ સોશિયલ મીડિયા પર શૅર કરી છે જેને ચાહકો ખૂબ જ પસંદ કરી રહ્યા છે.
ક્રિકેટર હાર્દિક પંડ્યા અને તેની મંગેતર નતાશા સગાઇ પછી સતત ચર્ચાઓમાં છવાયેલા રહે છે. બન્ને ઘણીવાર એકબીજા સાથેની રોમાન્ટિક તસવીર સોશિયલ મીડિયા પર શૅર કરતાં રહે છે. તો હવે નતાશાએ ક્વૉરન્ટાઇનમાં સમય પસાર કરતાં હાર્દિક સાથેની પોતાની એક તસવીર ઇન્સ્ટાગ્રામ પર શૅર કરી છે. આ તસવીરમાં બન્ને ખૂબ જ રોમાન્ટિક અંદાજમાં દેખાય છે. આ તસવીર શૅર કરતાં નતાશાએ કૅપ્શનમાં લખ્યું છે કે, "#stayhomestaysafe #quarantine @hardikpandya93..."
ઉલ્લેખનીય છે કે નતાશા-હાર્દિકની આ તસવીરો ચાહકોને ખૂબ જ પસંદ આવી રહી છે. આ તસવીરોમાં બન્ને સાથે તેમનો પૅટ ડૉગ પણ દેખાય છે. જેને જોઇને એવું લાગે છે કે બન્ને આ ડૉગને ખૂબ જ પ્રેમ કરે છે. તસવીરમાં નતાશા અને હાર્દિકની કેમિસ્ટ્રી પણ દેખાઇ આવે છે.
નોંધનીય છે કે બન્નેએ આ વર્ષે જ 1 જાન્યુઆરીના રોજ ચુપચાપ સગાઇ કરી લીધી હતી. સગાઇની તસવીરો સામે આવ્યા પછી બન્નેના ચાહકો ચોંકી ઉઠ્યા હતા. બન્નેએ મધદરિયે દુબઇમાં ક્રૂઝ પર ખૂબ જ રોમાન્ટિક અંદાજમાં સગાઇ કરી હતી. સગાઇની તસવીરો અને વીડિયો સોશિયલ મીડિયા પર ખૂબ જ વાયરલ થઈ હતી.
જણાવવાનું કે બન્નેના અફેરમાં હોવાની ચર્ચા ઘણાં સમયથી થઈ રહી હતી. પણ સગાઇની તસવીરોએ તેમના રિલેશન પર મહોર લગાડી. હાર્દિક પાંડ્યાએ નતાશા સાથે સગાઇની તસવીર શૅર કરતા લખ્યું હતું કે, "મેં તેરા, તું મેરી જાન, સારા હિંદુસ્તાન, 01.01.2020 #engaged..."
નોંધનીય છે કે નતાશા અનેક ફિલ્મોમાં આઇટમ સૉન્ગ્સ કરી ચૂકી છે. નતાશાને ફેમ સુપરહિટ ગીત ડીજેવાલે બાબૂ મેરા ગાના દ્વારા મળી હતી. નતાશા એક બહેતરીન ડાન્સર છે.