સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી

શ્રીલંકાની ઇનિંગ્સની ૨૩મી ઓવર સ્પિનર ટ્રેવિસ હેડે કરી હતી જેમાં શ્રીલંકાના જેફરી વૅન્ડરસેની ઇન્સાઇડ એજ લાગી હતી અને બૉલ સીધો સ્ટમ્પ્સ પર જતાં તે ક્લીન બોલ્ડ થયો હતો

સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી

ગૉલમાં ગઈ કાલે ઑસ્ટ્રેલિયાને પાંચ રનનો નજીવો લક્ષ્યાંક મળ્યો ત્યાર બાદ ડેવિડ વૉર્નરે ફક્ત બે સ્કોરિંગ શૉટ (૪ અને ૬)માં એ અપાવી દીધો હતો, પરંતુ એ પહેલાં તેને ફીલ્ડિંગ દરમ્યાન લેગ સ્લિપમાં વિચિત્ર બનાવમાં ખરાબ અનુભવ થયો હતો. શ્રીલંકાની ઇનિંગ્સની ૨૩મી ઓવર સ્પિનર ટ્રેવિસ હેડે કરી હતી જેમાં શ્રીલંકાના જેફરી વૅન્ડરસેની ઇન્સાઇડ એજ લાગી હતી અને બૉલ સીધો સ્ટમ્પ્સ પર જતાં તે ક્લીન બોલ્ડ થયો હતો. જોકે વિકેટકીપર ઍલેક્સ કૅરીનો પગ વચ્ચે હોવાથી લેગ સ્લિપમાં ફીલ્ડિંગ કરી રહેલા વૉર્નરને બેલ ઊડીને પોતાની તરફ આવી રહેલી દેખાઈ નહોતી. વૉર્નરે તો ઊછળેલો બૉલ જેફરીનો કૅચ છે એવું માનીને પોતાની ડાબી તરફ ડાઇવ મારી હતી અને ઊછળેલી બેલ તેને પ્રાઇવેટ પાર્ટ પર વાગી હતી. વૉર્નર ઈજાને કારણે નીચે બેસી પડ્યો હતો. તે બૉલ નહોતો ઝીલી શક્યો અને તે એવું માની બેઠો હતો કે તેનાથી કૅચ છૂટી ગયો છે. જોકે પછીથી તેને હકીકતની જાણ થઈ હતી.
જોકે વૉર્નરે આ ઘટનાને હળવાશથી લીધી હતી અને મૅચ પછી ટ્વિટર પર મજાકમાં બોલર ટ્રેવિસ હેડને સંબોધીને લખ્યું, ‘ઓહ ડિયર, વેલ બોલ્ડ હિડી, પરંતુ જોયુંને મારી શું હાલત થઈ!’ પછીથી ટ્વિટર પર વૉર્નરના કેટલાક સાથી-ખેલાડીઓએ લાફિંગ ઇમોજિસ સાથે હળવી ટકોર કરી હતી.