IPLમાં દિલ્હીને પહેલી ચારેચાર મૅચ જિતાડનાર પ્રથમ કૅપ્ટન બન્યો અક્ષર

૨૦૦૯માં વીરેન્દર સેહવાગે પહેલી ત્રણ મૅચ જિતાડી હતી એ રેકૉર્ડ તૂટ્યો, દિલ્હી વર્તમાન સીઝનમાં એકમાત્ર અજેય ટીમ રહી છે

દિલ્હીએ અક્ષરનો શૅર કરેલો ફોટો.

IPL 2025માં દિલ્હી કૅપિટલ્સને પહેલી ચારેચાર મૅચ જિતાડીને ગુજરાતી ઑલરાઉન્ડર અક્ષર પટેલે ઇતિહાસ રચ્યો છે. તે સીઝનની પ્રથમ ચાર મૅચ જીતનાર દિલ્હી કૅપિટલ્સનો પ્રથમ કૅપ્ટન બન્યો છે.

મૉલદીવ્ઝમાં વેકેશન એન્જૉય કરવા ગયેલા દિલ્હીના મેન્ટર કેવિન પીટરસને કેક-ડિશની મદદથી ટીમને જીતની શુભેચ્છા પાઠવી હતી.

આ પહેલાં ૨૦૦૯ની સીઝનમાં સાઉથ આફ્રિકાની ધરતી પર દિલ્હી વીરેન્દર સેહવાગના નેતૃત્વમાં પહેલી ત્રણ મૅચ જીત્યું હતું. ૩૧ વર્ષના અક્ષર પટેલના નેતૃત્વમાં દિલ્હી ચારેચાર મૅચ જીતીને વર્તમાન સીઝનની એકમાત્ર ટીમ બની છે. ૨૦૨૪થી અત્યાર સુધી દિલ્હીએ પહેલી વાર IPLમાં સળંગ પાંચ જીત નોંધાવી છે.