20 June, 2026 09:13 PM IST | Bangladesh | Gujarati Mid-day Correspondent
સ્પિન બોલિંગ ઑલરાઉન્ડર મૅટ રેનશૉ ૮૯ રન કરવાની સાથે એક વિકેટ લઈને પ્લેયર ઑફ ધ મૅચ બન્યો હતો.
ગઈ કાલે બીજી T20 મૅચ ૭ રને જીતીને ઑસ્ટ્રેલિયાએ બંગલાદેશ સામેની ત્રણ T20 મૅચની સિરીઝમાં ૨-૦ થી કબજો કર્યો હતો. ૨૦૨૧માં બંગલાદેશ સામે એકમાત્ર T20 સિરીઝમાં હારનાર કાંગારૂઓ આ હરીફ સામે પહેલી વખત દ્વિપક્ષીય T20 સિરીઝ જીત્યા છે.
મૅટ રેનશૉએ બાવન બૉલમાં ચાર ફોર અને પાંચ સિક્સના આધારે અણનમ ૮૯ રન કરીને ઑસ્ટ્રેલિયાનો સ્કોર ૧૯૬/૫નો કર્યો હતો. ઓપનર સૈફ હસનના ૩૩ બૉલમાં ૪૨ રનની મદદથી ૧૧ ઓવરમાં ૧૧૬/૨નો સ્કોર કરીને જીત તરફ આગળ વધી રહ્યું હતું. જોકે મિડલ-ઑર્ડરની ધીમી બૅટિંગને કારણે બંગલાદેશ ૨૦ ઓવરમાં ૧૮૯/૬નો સ્કોર કરીને હાર્યું હતું.
સ્પિન બોલિંગ ઑલરાઉન્ડર મૅટ રેનશૉ ૮૯ રન કરવાની સાથે એક વિકેટ લઈને પ્લેયર ઑફ ધ મૅચ બન્યો હતો.
