વિચલિત ન થાઓ અને પ્રદર્શન પર જ ધ્યાન કેન્દ્રિત કરો, ફક્ત આગળ વધો અને જીતો

કપિલ દેવ

ભારતીય ટીમના ૧૯૮૩ના વર્લ્ડ કપ વિજેતા કૅપ્ટન કપિલ દેવે પાકિસ્તાન સામેની તેમની હાઈ-વૉલ્ટેજ એશિયા કપ મૅચ પહેલાં ભારતીય ટીમને અમૂલ્ય સલાહ આપી છે. એક ઇવેન્ટ દરમ્યાન બે દેશ વચ્ચેના સંઘર્ષ છતાં રમાઈ રહેલી ક્રિકેટ મૅચ વિશે વાત કરતાં તેઓ કહે છે, ‘ભારતીય પ્લેયર્સે ફક્ત રમત પર ધ્યાન કેન્દ્રિત કરવું જોઈશે. આપણી પાસે સારી ટીમ છે અને આપણે જીતવું જ પડશે.’

કપિલ દેવે ઉમેર્યું હતું કે ‘પ્લેયર્સે ફક્ત તેમના પ્રદર્શન પર ધ્યાન કેન્દ્રિત કરવું જોઈશે અને અન્ય કોઈ પણ વાતથી વિચલિત થવું ન જોઈએ. ફક્ત આગળ વધો અને જીતો. સરકાર પોતાનું કામ કરશે અને ક્રિકેટર્સે પોતાનું કામ કરવું પડશે. આપણી ટીમ સારી છે મને આશા છે કે ભારત ટ્રોફી પણ જીતશે.’