15 April, 2020 11:30 AM IST | London | Agencies
જૉસ બટલર
જૉસ બટલરે હાલમાં એબી ડિવિલિયર્સ સાથેનો એક કિસ્સો શૅર કર્યો હતો અને જણાવ્યું હતું કે ડિવિલિયર્સ બાળપણથી મારો આદર્શ છે. રાજસ્થાન રૉયલ્સની ઑફિશ્યલ ચૅનલ પર વાત કરતાં બટલરે કહ્યું કે ‘મારા બાળપણથી ડિવિલિયર્સ મારો આદર્શ રહ્યો હતો. તેને રમતો જોવરનું મને ઘણું ગમતું. તે અદ્ભૂત પ્લેયર છે. હું જ્યારે મુંબઈ ઇન્ડિયન્સ માટે આઇપીએલમાં રમતો હતો ત્યારે તેની સાથે હોટેલમાં બિયર પીવાની તેણે મને ઑફર કરી હતી. હું ઘણો એક્સાઇટેડ થઈ ગયો હતો. એબી ડિવિલિયર્સ સાથે હોટેલમાં બિયર પીવું કેટલું કૂલ હતું. એ વખતે મેં મારી ફિયાન્સી અને હવે પત્ની લ્યુસીને આ વાત કહી અને અમે હોટેલ પહોંચ્યાં હતાં. ત્યાં પહોંચીને અમે લગભગ વીસેક મિનિટ વાત કરી હતી. તેની બોલવાની આફ્રિકન સ્ટાઇલ પણ જબરદસ્ત હતી જેને લીધે લ્યુસીએ તેમને પૂછ્યું હતું કે તમે ન્યુ ઝીલૅન્ડમાં કયા વિસ્તારમાં રહો છો? આ વાત સાંભળીને અમે હસી પડ્યા હતા.’
એબી ડિવિલિયર્સ સાઉથ આફ્રિકન પ્લેયર છે અને બટલરની પત્નીએ તેને ન્યુ ઝીલૅન્ડનો કહ્યો હોવાથી તેઓ ખડખડાટ હસી પડ્યા હતા.