18 September, 2019 01:12 PM IST | કઝાકસ્તાન
વિનેશ ફોગાટ
વર્લ્ડ રેસલિંગ ચૅમ્પિયનશિપમાં ચૅમ્પિયન બનવાની દોડમાંથી ભારતીય મહિલા પહેલવાન વિનેશ ફોગાટ બહાર થઈ ગઈ છે. તે જપાનની વર્તમાન ચૅમ્પિયન માયા મુકૈદા સામે ૭-૦થી હારી ગઈ હતી. તેણે સારી શરૂઆત કર્યા બાદ પ્રી-ક્વૉર્ટર ફાઇનલમાં તે હારી ગઈ છે. જોકે આ ચૅમ્પિયનશિપમાંથી બહાર થવા છતાં તેની પાસે ૨૦૨૦ ટોક્યો ઑલિમ્પિકમાં ક્વૉલિફાય થવાની એક તક છે. સામા પક્ષે નવીનને પણ ૧૩૦ કિલોગ્રામ વર્ગની મૅચમાં ઇસ્ટોનિયાના પ્લેયર હૈકી નબી સામે ૯-૦થી હારનો સામનો કરવો પડ્યો હતો. મહિલાઓની ૫૦ કિલોગ્રામની કૅટેગરીમાં સીમા, જ્યારે ૫૫ કિલોગ્રામની કૅટેગરીમાં લલિતાને પરાજયનો સામનો કરવો પડ્યો હતો.