23 December, 2019 03:48 PM IST | Mumbai
ક્રિસ લીન
(આઇ.એ.એન.એસ.) બિગ બૅશ લીગ (બીબીએલ)માં ઑસ્ટ્રેલિયન પ્લેયર ક્રિસ લીને જબરદસ્ત પારી રમી આ લીગમાં પોતાના ૨૦૦૦ રન પૂરા કર્યા હતા. ગઈ કાલે બ્રિસ્બેન હીટ અને સિડની સિક્સર્સ વચ્ચે રમાયેલી મૅચમાં ક્રિસ લીને ૩૫ બૉલમાં 94 રન બનાવ્યા હતા, જ્યારે 50 રનનો આંકડો તેણે 20 બૉલમાં જ વટાવી લીધો હતો.
ક્રિસ લીને 11 સિક્સર અને ચાર બાઉન્ડરી ફટકારી 94 રન બનાવ્યા હતા. આ ધમાકેદાર ઇનિંગ રમી લીન બીબીએલમાં 2000 રન પૂરા કરનારો પહેલો પ્લેયર બન્યો હતો. આઇપીએલમાં ક્રિસ લીનને ખરીદવામાં મુંબઈ ઇન્ડિયન્સને સફળતા મળી છે અને આ આઇપીએલ ટીમમાં સામેલ થયા બાદ લીને મજાકમાં કહ્યું હતું કે તેને હવે જસપ્રીત બુમરાહનો સામનો નહીં કરવો પડે કેમ કે બુમરાહ પણ આઇપીએલની મુંબઈ ઇન્ડિયન્સ વતી રમી રહ્યો છે.