૧૫ ઑગસ્ટે ચીનમાં યોજાશે માણસો જેવા રોબો વચ્ચે રમતોત્સવ

ચીનના હ્યુમનૉઇડ રોબો ઉત્પાદકો રોબોની ટીમ્સ વચ્ચે ફુટબૉલ ટુર્નામેન્ટનું આયોજન કરી રહ્યા છે.

ચીન

તમામ ટેક્નિકલ કામોમાં માણસના રિપ્લેસમેન્ટ તરીકે રોબો તૈયાર કરવામાં આવી રહ્યા છે ત્યારે ચીનના હ્યુમનૉઇડ રોબો ઉત્પાદકો રોબોની ટીમ્સ વચ્ચે ફુટબૉલ ટુર્નામેન્ટનું આયોજન કરી રહ્યા છે. છેલ્લા છ મહિનાથી રોબો ટીમ્સને ટ્રેઇનિંગ આપવામાં આવી રહી છે અને ગઈ કાલે બીજિંગમાં સ્થાનિક પત્રકારોને રોબોની મૅચ જોવા માટે બોલાવવામાં આવ્યા હતા. આ રોબોની દોડવાની સ્પીડ માણસો કરતાં ઘણી ઓછી છે, પરંતુ એકબીજા સાથે અથડાઈને પડી ગયા પછી આપમેળે અંગડાઈ લઈને ઊભા થવાની રોબોની ક્ષમતા કાબિલેદાદ છે.