03 October, 2019 08:12 PM IST | મુંબઈ ડેસ્ક
પ્રતીકાત્મક તસવીર
સિંહને જંગલનો રાજા કહેવામાં આવે છે અને તે એટલા માટે કે તેનાથી વધુ ખતરનાક અન્ય કોઇ જાનવર હોતો નથી. સામાન્ય રીતે સિંહનું નામ સાંભળતા જ લોકોનો પરસેવો છુટી જતો હોય છે. તેને સામે જોઇ લે તો ખબર નહીં શું થઈ જાય. પણ અમેરિકાના ન્યૂયૉર્કમાં એક મહિલાએ કંઇક એવું કરી બતાવ્યું, જેની લોકો ખૂબ જ ટીકા કરી રહ્યા છે.
મહિલા જ્યારે સિંહના વિસ્તારમાં જઇ પહોંચી
હકીકતે, ન્યૂયોર્કના બ્રૉન્સ જૂમાં એક મહિલા મસ્તી કરતાં સીધી સિંહના વાડામાં કૂદી પડી અને તેને ચીડવવા લાગી. જોકે, સારી બાબત એ છે કે સિંહ માત્ર તેને જોતો રહ્યો અને તેમે તેને કંઇ કર્યું નહીં. થોડીવાર પછી મહિલા વાડામાંથી બહાર આવી ગઈ.
આ વીડિયો સોશિયલ મીડિયામાં થયો વાયરલ
મહિલાની આ હરકતનો વીડિયો પણ સોશિયલ મીડિયા પર વાયરલ થયો છે. આ વીડિયોને 'રિયલ સોબરીનો' નામની ઇન્સ્ટાગ્રામ આઇડી પરથી શૅર કરવામાં આવ્યો છે. વીડિયોના વાયરલ થયા પછી કેટલાક લોકો મહિલાની હરકતોને મુર્ખાઇ ભર્યું પગલું ગણાવે છે.
તો, બ્રૉન્સે આ ઘટનાને લઇને નિવેદન આપ્યું છે, જેમાં કહેવામાં આવ્યું છે કે, મહિલાએ ઝૂના નિયમોનું પાલન કર્યું નથી. આવી હરકતથી તેનો જીવ પણ જઈ શકતો હતો.