07 January, 2021 08:41 AM IST | Washington | Gujarati Mid-day Correspondent
પાસ્તા
વિચિત્ર વાનગીઓની વાત આવે તો ઇન્ટરનેટ પર એકથી એક ચડિયાતી દિમાગ હટાવી દે એવી વાનગીઓ આવતી હોય છે. હવે એમાં એક નવી વિચિત્ર વાનગીનો ઉમેરો થયો છે. એનર્જી ડ્રિન્કમાં પાસ્તા.
ઇન્ટરનેટ પર અમેરિકન જાદુગર જસ્ટિન ફ્લોમેનો એક વિડિયો વાઇરલ થયો છે જેમાં એનર્જી ડ્રિન્કમાં પાસ્તા તૈયાર કરવાની રેસીપી છે.
વિડિયોમાં સૉસ પૅનમાં એનર્જી ડ્રિન્ક નાખીને એ ઊકળ્યા બાદ એમાં પાસ્તા નાખી એને ચડવા દેવામાં આવે છે. પાસ્તા ચડી ગયા બાદ એને એક પ્લેટમાં કાઢીને ફરી એક વાર પૅનમાં એનર્જી ડ્રિન્ક નાખી એમાં લોટ ઉમેરીને સૉસ તૈયાર કરી તૈયાર પાસ્તા પર રેડવામાં આવે છે. અથાણાથી પ્લેટને શણગારીને ડિશનું પ્રેઝન્ટેશન કરવામાં આવે છે.
નેટિઝન્સ આ રેસિપી જોઈને એક જ વાક્ય કહે છે કે આ રેસિપી જોયા પછી ફરી પાસ્તા ખાવાની ઇચ્છા કોઈને નહીં થાય.
આ વિડિયો શૅર કરાયા બાદ અત્યાર સુધીમાં ૫૩ લાખ વખત જોવાયો છે તથા એને ૯૬૦૦ લાઇક્સ મળી છે.