17 February, 2021 09:05 AM IST | Washingto | Gujarati Mid-day Correspondent
સોશ્યલ મીડિયા પર વાઇરલ થયેલા એક વિડિયોમાં ગ્લૉરિયા નામની એક મહિલાએ તેના પતિને વૅલેન્ટાઇન્સ ડે ગિફ્ટરૂપે મોકલેલી સ્ત્રીઓની તસવીરો છે. બન્નેના પરસ્પર સંવાદમાં એ પુરુષે તેને ખૂબ ગમતી સ્ત્રીઓની વાતો ગ્લૉરિયાને જણાવી હશે. એ વાતો યાદ રાખીને ગ્લૉરિયાએ એક વિડિયો બનાવીને ‘ટિક ટૉક’ પર પોસ્ટ કર્યો અને પછી ઇન્સ્ટાગ્રામ પર પણ મૂક્યો. વૅલેન્ટાઇન્સ ડે એટલે પ્રિય વ્યક્તિનો રાજીપો મેળવવાનો દિવસ, એવું માનતી એ મહિલાની પોસ્ટ અનેક સોશ્યલ મીડિયા પ્લૅટફૉર્મ્સ પર વાઇરલ થઈ છે. એ ૧૭ સેકન્ડની વિડિયો-ક્લિપને સોશ્યલ નેટવર્કિંગ સાઇટ ઇન્સ્ટાગ્રામ પર ઘણો સારો પ્રતિસાદ મળ્યો છે. બ્રિટનના ‘ડેઇલી મેઇલ’ અખબારે એ વિડિયો-ક્લિપને સંબંધિત બાબતોનું વ્યાપક વિવરણ કર્યું છે.