ખેડૂત-આંદોલનને ટેકો આપતા સ્લોગનવાળી લગ્નની આમંત્રણપત્રિકા વાઇરલ

ખેડૂત-આંદોલનને ટેકો આપતા સ્લોગનવાળી લગ્નની આમંત્રણપત્રિકા વાઇરલ

ગયા વર્ષે નવેમ્બરથી હજારો ખેડૂતો દિલ્હી બૉર્ડર પર નવા કૃષિ કાયદા સામે વિરોધ-પ્રદર્શન કરી રહ્યા છે, જેને સામાન્ય માનવીથી લઈને ફિલ્મઉદ્યોગની ખ્યાતનામ હસ્તીઓએ પણ ટેકો જાહેર કર્યો છે. હવે સોશ્યલ મીડિયા પર ખેડૂતોના વિરોધ-પ્રદર્શનને ટેકો જાહેર કરતી લગ્નની આમંત્રણપત્રિકા વાઇરલ થઈ છે. ટ્વિટર-યુઝર શિવમ ઈશ્વરાએ પોસ્ટ કરેલા આ કાર્ડને ટીવી-અભિનેતા સુશાંત સિંહે રીટ્વીટ કર્યું છે.

એમએસપીની ખાતરીની માગણી કરતી પત્રિકામાં જમણી તરફ ઉપરની બાજુએ ખેડૂતનું કાર્ટૂન ધરાવતા આ કાર્ડમાં લખાયેલું સૂત્ર કંઈક આ મુજબનું છે: ‘કાલે કાનૂન વાપસ લો, એમએસપી કી ગૅરન્ટી દો.’ અન્ય એક સૂત્ર આ મુજબનું છે: ‘અય ભોલે કિસાન, મેરી દો બાત લે માન, એક બોલના લે સીખ, દુજા દુશ્મન કો લે પહેચાન.’ જોકે આ અગાઉ ગયા મહિને નવપરિણીત યુગલ લગ્ન કર્યા બાદ તેમની કારમાં આવવાને બદલે ખેડૂતોના વિરોધ-પ્રદર્શનને ટેકો જાહેર કરવા ટ્રૅક્ટરમાં ઘરે આવ્યું હતું.