07 December, 2021 07:59 PM IST | Mumbai | Gujarati Mid-day Online Correspondent
પ્રતીકાત્મક તસવીર
તમે કોઈપણ હોટલ કે રેસ્ટૉરન્ટમાં જાઓ છો, તો ત્યાંની પોતાની એક સ્પેશ્યાલિટી હોય છે,, પણ સ્ટ્રીટ ફૂડમાં તમને એવા પ્રકારના કૉમ્બિનેશન જોવા મળે છે, જેવા તમે જ્વલ્લે જ જોવા મળે. ફૂડને નવો ફ્લેવર આપવાના ચક્કરમાં સોશિયલ મીડિયા પર હાલ લીલા મરચાની આઇસ્ક્રીમ ખૂબ જ વાયરલ થઈ રહી છે. આના સ્વાદ વિશે વિચારીને જ ઇન્ટરનેટ યૂઝર્સ આળવીતરી કોમેન્ટ્સ કરી રહ્યા છે.
વેન્ડરે જે રીતે આઇસ્ક્રીમને લીલા મરચા સાથે મિક્સ કરીને રોલ બનાવ્યો છે, તેને જોઇને લોકો ચોંકી ઉઠ્યા છે. આ હટકે ડિશને વેન્ડરે નામ આપ્યું છે - `જન્નત મિર્ચી આઇસ્ક્રીમ રોલ` (Jhannat Mirchi Ice Cream Roll). ખાવાની સાથે આવું આળવીતરું એક્સપરિમેન્ટ જોઇને તમારું મગજ પણ હલબલી જશે. તો જાણો આ તીખી-મીઠી આઇસ્ક્રીમની રેસિપી.
Social Media પર વાયરલ થઈ આઇસ્ક્રીમ
`જન્નત મિર્ચી આઇસ્ક્રીમ રોલ` (Jhannat Mirchi Ice Cream Roll) બનાવવા માટે પહેલા દુકાનદારે તીખા મરચાના નાના-નાના ટુકડા કર્યા. આ ટુકડા પર તે ન્યૂટ્રેલા નાખે છે, પછી ક્રીમ મિલ્ક નાખીને બધું એક સાથે ક્રશ કરી દે છે. ફ્રીઝર પર આઇસ્ક્રીમને સરસ રીતે બીટ કરી દુકાનદાર તેને યોગ્ય રીતે સ્પ્રેડ કરે છે અને પછી તેને કાપીને નાના-નાના રોલ બનાવે છે. આ રીતે લીલા મરચાની આઇસ્ક્રીમ તૈયાર કર્યા પછી તે આ રોલ પર અમુક સીરપ નાખ્યા પછી મરચાંની ટૉપિંગ્સ સાથે જ સર્વ પણ કરે છે.
દંગ રહી ગયા યૂઝર્સ પણ
આઇસ્ક્રીમ રોલના વીડિયો YouTube પર Spoons of Indore નામના ચેનલ પરથી શૅર કરવામાં આવ્યો છે. અત્યાર સુધી આ વીડિયોને લગભગ 4 લાખ વ્યૂોઝ મળી ચૂક્યા છે. જેણે પણ આ વીડિયો જોયો છે, તે રસપ્રદ પ્રતિક્રિયા આપી રહે છે. આઇસ્ક્રીમ રોલ ટેસ્ટ કર્યા વગર જ લોકોનું મન ભરાઇ જાય છે. એક યૂઝરે કોમેન્ટ કરતા લખ્યું - બસ મરચા સાથે આ જ થવાનું બાકી રહી ગયું હતું. કેટલાક લોકોએ એ પણ કહ્યું કે હવે ફૂડ અબ્યૂઝ કન્ટ્રોલ બ્યૂરો બની જવું જોઈએ, જેથી લોકો ખોરાક સાથે આવા આળવીતરા પ્રયોગો ન કરે.