તોફાની તત્ત્વોએ ગર્ભવતી મહિલાને પેટમાં લાત મારી, ગર્ભ પડી ગયો, પરિવારજનો એ ભ્રૂણ લઈને પોલીસ-થાણે પહોંચ્યા

પરિવારનો આરોપ હતો કે તેના ગામના જ કેટલાક યુવકોએ ઘરમાં ઘૂસીને ગર્ભવતી મહિલાની મારપીટ કરી હતી

બાગપત

ઉત્તર પ્રદેશના બાગપતમાં એક પરિવાર પોતાના મૃત ભ્રૂણને લઈને પોલીસ-સ્ટેશને ફરિયાદ નોંધાવવા પહોંચ્યો હતો. પરિવારનો આરોપ હતો કે તેના ગામના જ કેટલાક યુવકોએ ઘરમાં ઘૂસીને ગર્ભવતી મહિલાની મારપીટ કરી હતી જેને કારણે તેનો ગર્ભ પડી ગયો હતો. તેમણે પહેલાં તો પ્રેગ્નન્ટ મહિલા સાથે અભદ્રતા કરવાની શરૂ કરી. જ્યારે મહિલાએ વિરોધ કર્યો તો તેને લાતો મારીને ભાગી ગયા. જોરથી લાત વાગતાં ગર્ભમાં ઊછરી રહેલો અવિકસિત ભ્રૂણ પડી ગયો હતો.