હજારો રશિયન બાજ ઊડીને પહોંચ્યાં રાજસ્થાન

પ્રદૂષણ અને ક્લાઇમેટ ચેન્જને કારણે બીજા વિસ્તારો રહેવાલાયક બચ્યા નથી

બાજ

રાજસ્થાનના રણમાં હજારો કિલોમીટર દૂરથી આવેલાં ૨૦૦૦ રશિયન બાજોએ ધામા નાખ્યા છે. વૈજ્ઞાનિકો એને ખતરાનો સંકેત ગણે છે. સામાન્ય રીતે આ બાજ અલગ-અલગ જગ્યાએ રહે છે, પરંતુ અહીં તો એકસાથે ૨૦૦૦થી વધુ બાજ પંખીઓ એકઠાં થઈ ચૂક્યાં છે. એનો મતલબ એ છે કે આ બાજ એમની ઓરિજિનલ જગ્યાને છોડીને નવી જગ્યાને પોતાનું રહેઠાણ બનાવી રહ્યાં છે. એનાથી ઇકોસિસ્ટમને નુકસાન થઈ શકે છે. બાજ મોટા ભાગે ખુલ્લા મેદાનમાં રહે છે જ્યાં ભરપૂર ખાવાનું મળી રહેતું હોય અને માણસોની દખલ ઓછી હોય. એક્સપર્ટ્સનું કહેવું છે કે બાજોનાં મૂળ ઠેકાણાં ખાલી થઈ રહ્યાં છે. પ્રદૂષણ અને ક્લાઇમેટ ચેન્જને કારણે બીજા વિસ્તારો રહેવાલાયક બચ્યા નથી. આ બદલાવ માત્ર બાજ પંખીઓ જ નહીં, અન્ય જીવો પર પણ અસર કરશે.