08 May, 2020 10:05 AM IST | Mumbai Desk | Mumbai Correspondent
5માળના મકાનને બનાવ્યું વર્ટિકલ ગાર્ડન
વિયેટનામની રાજધાની હેનોઇમાં રહેતા હેનોઇ યુનિવર્સિટી ઑફ સિવિલ એન્જિનિયરિંગના ભૂતપૂર્વ લેક્ચરર ડૉ. હોઆન્ગ ન્હુ તાન્ગે તેમના પાંચ માળના ઘરને રીતસર વર્ટિકલ ગાર્ડન બનાવ્યું છે. ૩૦ વર્ષના ગાળામાં બે લીલી વેલ એવી સરસ રીતે ગૂંથાઈ છે કે આખા મકાનની ફરતે લીલો પડદો બની ગયો છે. આ પ્રયોગની શરૂઆત ૧૯૯૦માં થઈ હતી. હેનોઇના આ વિસ્તારમાં એ દિવસોમાં પાંચ માળનું મકાન સૌથી મોટું હતું એથી એ મકાનમાં તડકાનો ત્રાસ ઘણો હતો. લેક્ચરરસાહેબે તડકાથી બચવા માટે ઘરમાં ઠંડક રહે એવા બે વેલા ઉગાડ્યા અને ધીમે-ધીમે આગળ વધતા અને ઉપર ચડતા એ વેલા તેમને ખૂબ ઉપયોગી થયા. આજે એ બે વેલા એવા સરસ રીતે ગૂંથાઈ ગયા છે કે ઘરમાં સૂર્યના તાપનો ત્રાસ નાબૂદ થવા ઉપરાંત મકાનની સુંદરતા વધી ગઈ છે.