22 May, 2020 09:32 AM IST | Mumbai Desk | Mumbai Correspondent
એનિમલ શેલ્ટર માટે પૈસા ભેગા કરવા આ યુવક કરશે બિલાડી સાથે લગ્ન
કૅલિફૉર્નિયાવાસી સ્કૉટ પૅરી રખડતાં કે આધાર વગરનાં પશુઓના આશ્રય માટે ઍનિમલ શેલ્ટર બાંધવા ભંડોળ ઊભું કરવા બિલાડી સાથે લગ્ન કરવા ઇચ્છે છે. સ્કૉટ પૅરીએ ૨૦૧૫માં લૉસ ઍન્જલસ બેસ્ટ ફ્રેન્ડ્સ ઍનિમલ સૅન્ક્ચ્યુઅરીમાંથી બિલાડી દત્તક લીધી હતી. એ વખતથી એ બિલાડી સતત સ્કૉટની સાથે જ રહે છે. છેલ્લા બે મહિનામાં કોવિડ-19ના ક્વૉરન્ટીનમાં બિલાડી સાથે લગ્નના આયોજન દ્વારા ઍનિમલ સૅન્ક્ચ્યુઅરી માટે ભંડોળ ઊભું કરવાનો વિચાર આવ્યો હતો. લગભગ ૫૦૦૦ ડૉલર (અંદાજે ૩.૭૮ લાખ રૂપિયા) એકઠા કરવાના લક્ષ્યાંક સાથે આવતા શનિવારે યોજાનારા કાર્યક્રમનું ઇન્સ્ટાગ્રામ-પેજ પર લાઇવ સ્ટ્રીમિંગ કરવામાં આવશે.