19 July, 2020 03:45 PM IST | Mumbai Desk | Mumbai correspondent
નકલી દાંત પડવા છટા ચાલું રાખ્યું બુલેટિન
સોશ્યલ મીડિયા પર એક વિડિયો વાઇરલ થઈ રહ્યો છે, જેમાં લાઇવ ન્યુઝ વાંચતી વખતે ન્યુઝ-ઍન્કરનો દાંત તૂટીને તેના મોઢામાંથી બહાર પડી જાય છે. જોકે ન્યુઝ-ઍન્કર શો અટકાવ્યા વિના જાણે કંઈ બન્યું જ નથી એમ જરાય ક્ષોભ અનુભવ્યા વિના સમાચાર વાંચવાનું ચાલુ રાખે છે.
યુક્રેનની આ ન્યુઝ-ઍન્કરનું નામ મારિચકા પડલ્કો છે. કદાચ લાઇવ ન્યુઝ રીડિંગ વખતે તો અનેક લોકોએ આ ઘટના જોઈ હશે, પણ નવાઈની વાત એ છે મારિચકાએ પોતે આ ઘટનાનો વિડિયો ઇન્સ્ટાગ્રામ પર શૅર કર્યો છે.
વિડિયોમાં જોઈ શકાય છે કે તેના મોઢામાંથી જેવો દાંત બહાર પડે છે ત્યારે મારિચકાની સહયોગી તેને જણાવે છે અને તે તરત જ દાંતને નીચે પડતો બચાવી લે છે અને એ પછી પોતાને સંયમિત રાખીને ન્યુઝ-શો પૂરો કરે છે. તૂટેલા દાંત વિશે મારિચકા પોસ્ટમાં જણાવે છે કે ૧૦ વર્ષ પહેલાં મારી દીકરીએ રમતાં-રમતાં અલાર્મ ક્લૉક મોઢા પર મારવાથી એ સમયે જ આ દાંત તૂટી ગયો હતો.