29 June, 2020 10:10 AM IST | Mumbai Desk | Mumbai correspondent
૧૦ વર્ષનો વિદ્યાર્થી નદુબ ગિલ
ઇંગ્લૅન્ડમાં ૧૦ વર્ષના પ્રાથમિક શાળાના એક વિદ્યાર્થીએ એક મિનિટમાં ગુણાકાર અને ભાગાકારના દાખલાઓનો ઉકેલ શોધીને ગિનેસ વર્લ્ડ રેકૉર્ડ બનાવ્યો છે.
ઇંગ્લૅન્ડના લૉન્ગ ઇટનની લૉન્ગમૂર પ્રાથમિક શાળાના ૧૦ વર્ષના વિદ્યાર્થી નદુબ ગિલે કોવિડ-19 લૉકડાઉનનો કેટલોક સમય ટાઇમ્સ ટેબલ રૉકસ્ટાર્સ ઍપ્લિકેશન પર ગણિતની પ્રૅક્ટિસ કરવા માટે વિતાવ્યો અને પછી ગિનેસ વર્લ્ડ રેકૉર્ડ સ્થાપિત કર્યો હતો. નદુબે એક મિનિટમાં ૧૯૬ ગુણાકાર અને ભાગાકારના પ્રશ્નોના જવાબ આપ્યા હતા, જેમાં સરેરાશ એક સેકન્ડમાં ત્રણ કરતાં વધુ જવાબ મળ્યા. આ નવા વિશ્વ રેકૉર્ડ માટે અન્ય ૭૦૦ સ્ટુડન્ટ્સે ભાગ લીધો હતો.