03 February, 2026 05:54 PM IST | New Delhi | Gujarati Mid-day Online Correspondent
વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)
દિલ્હીથી એક આઘાતજનક અને માનવતાને શરમાવે તેવી એક ઘટના જોવા મળી હતી. શનિવારે વહેલી સવારે એક વ્યક્તિ અચાનક રસ્તા પર પડી ગયો અને દેખીતી રીતે તકલીફમાં હતો. તેને જમીન પર પડેલો જોઈને, સ્કૂટર પર સવાર બે યુવાનો તેની પાસે આવ્યા અને મદદ કરવાને બદલે તેનો મોબાઈલ ફોન ચોરીને ત્યાંથી ભાગી ગયા. તેઓ પાછળથી પાછા ફર્યા અને તેના ખિસ્સા તપાસ્યા. કંઈ ન મળ્યું અને સીસીટીવી કૅમેરા જોયા વિના, તેઓ ઘટનાસ્થળેથી ભાગી ગયા. સમયસર તબીબી સહાય ન મળવાને કારણે તે વ્યક્તિનું મૃત્યુ થયું હોવાનું કહેવાય છે. આખી ઘટના સીસીટીવી કૅમેરામાં કેદ થઈ ગઈ છે.
CCTV ફૂટેજમાં પીડિત વ્યક્તિ જમીન પર પડેલી જોવા મળી હતી. અચાનક, એક સ્કૂટર તેની પાસે આવે છે અને તેના પર બેસેલા સવારોમાંથી એક નીચે ઉતરે છે, તે વ્યક્તિનો ફોન ચોરી લે છે અને વાહન તરફ પાછો ફરે છે. પછી બન્ને પાછા આવે છે, પીડિત વ્યક્તિના ખિસ્સા તપાસે છે અને પીડિતને એ જ હાલતમાં રસ્તા પર છોડી ઘટનાસ્થળેથી ભાગી જાય છે. સવારે લગભગ 8 વાગ્યા પછી, જ્યારે વિસ્તારના લોકો ભેગા થવા લાગ્યા, ત્યારે પોલીસને જાણ કરવામાં આવી. ત્યારબાદ પોલીસે મૃતદેહનો કબજો લીધો અને તેને પોસ્ટમોર્ટમ માટે મોકલી દીધો. હવે આ મામલાની તપાસ શરૂ કરવામાં આવી છે.
રાજસ્થાનના જેસલમેરમાં સરકારી ક્વૉર્ટરમાં ચોરીની ઘટના પછી ચોરે લખેલી ચિઠ્ઠી પણ જોવા મળી હતી. સરકારી કર્મચારીના બંધ પડેલા ઘરમાં ઘૂસ્યા પછી ચોરે કીમતી માલસામાન પર હાથ સાફ કરી લીધો હતો. એટલું જ નહીં, દીવાલ પર લિપસ્ટિકથી મોટા અક્ષરમાં પોલીસને ચૅલેન્જ કરતી નોટ લખી હતી. એમાં ચોરે વારંવાર બિહારીબાબુ શબ્દનો વાપર્યો હતો, ‘બિહારીબાબુ રિપોર્ટ મત કરના. મૈં ભૂલ જાઉંગા, તુમ ભી ભૂલ જાના.’ જોકે સાથે જ એક ચિઠ્ઠી પણ લખી હતી જેમાં તેણે માલિકને સંબોધીને લખ્યું હતું, ‘ઘરમાં દારૂ રાખો છો તો સાથે ચિપ્સ પણ રાખો.’
મધ્ય પ્રદેશના ભોપાલ પાસે રાજનગર ગામમાં રહેતાં પચાસ વર્ષનાં સંગીતા માલવીયના ઘરમાં ચોરી થઈ હોવાની ફરિયાદ થઈ હતી. તેમણે બાવીસ જાન્યુઆરીએ તિજોરીમાં સોનાનાં ઘરેણાં અને થોડીક રોકડ રકમ રાખ્યાં હતાં. જોકે ૨૫ જાન્યુઆરીએ જ્યારે એ ઘરેણાં લેવા ગયાં ત્યારે એ ગાયબ હતાં. ૨૦,૦૦૦ રૂપિયાની રોકડ પણ ત્યાં નહોતી. સંગીતાબહેને પોલીસમાં ફરિયાદ નોંધાવી. પોલીસે આવીને તપાસ કરી તો ખબર પડી કે તિજોરીનું તાળું તોડ્યા વિના જ કોઈકે હાથસાફ કર્યો છે. આ દિવસો દરમ્યાન તેમના ઘરે કોણ આવ્યું અને ગયું એની કડક નોંધ બનાવ્યા પછી ખબર પડી કે તેમનો દોહિત્ર ઇન્દોરથી ભોપાલ એક રમતગમત પ્રતિયોગિતામાં ભાગ લેવા માટે આવ્યો હતો. પોલીસે દોહિત્રને અલગથી બોલાવીને કડક ઊલટતપાસ કરતાં તેણે કબૂલી લીધું હતું કે ઘરમાં તિજોરીની ચાવી એમ જ લટકતી જોઈને તેની નીયત ખરાબ થઈ ગઈ અને તેણે એમાંથી દાગીના અને ૨૦,૦૦૦ રૂપિયા સેરવી લીધા હતા. પોલીસે તેની પાસેથી ચોરેલા દાગીના પાછા જપ્ત કરી લીધા હતા. દોહિત્ર હજી પ્રાઇવટ કૉલેજમાં ભણી રહ્યો છે અને અવારનવાર નાનીને ત્યાં આવતો-જતો રહે છે.
