09 January, 2021 08:29 AM IST | Haryana | Gujarati Mid-day Correspondent
પારુલ અરોરા
રાષ્ટ્રીય ગોલ્ડ મેડલ વિજેતા જિમ્નૅસ્ટ પારુલ અરોરાને સ્ટન્ટ કરવામાં સાડી જરાય અવરોધરૂપ બનતી નથી. તે સાડી પહેરીને સહેલાઈથી બૅકફ્લિપ્સ કરી શકે છે. વાદળી રંગની સાડીમાં ફ્રન્ટ ફ્લિપ્સ કરતી ક્લિપમાં સોશ્યલ મીડિયા પર પ્રશંસા મેળવ્યા બાદ હરિયાણાની આ જિમ્નૅસ્ટનો વધુ એક વિડિયો વાઇરલ થયો છે. આ વખતે પારુલ અરોરા પર્પલ સાડી પહેરીને ત્રણ ફ્લિપ્સ કરતી જોવા મળે છે. ગયા મહિને ઇન્સ્ટાગ્રામ પર આ વિડિયો શૅર કરતાં પારુલે લખ્યું હતું, ‘સાડી મેં ખતરનાક સ્ટન્ટ.’ ત્યાર બાદ ટ્વિટર-યુઝર અપર્ણા જૈને આ વિડિયો શૅર કર્યો હતો, જેને પગલે એ ફરી લાઇમલાઇટમાં આવ્યો હતો.
આ વિડિયો એક લાખ કરતાં વધુ વખત જોવાઈ ચૂક્યો છે. આ અગાઉ પણ પારુલ અરોરાએ જિમ્નૅસ્ટ માઇકલ સિંઘ સાથે મળીને કરેલા સ્ટન્ટનો વિડિયો વાઇરલ થયો હતો અને ઇન્સ્ટાગ્રામમાં ૧૦ લાખ કરતાં વધુ વ્યુ મળ્યા હતા.