30 October, 2020 02:41 PM IST | Mumbai | Gujarati Mid-day Online Correspondent
પબજી
છેલ્લા થોડા સમયથી ભારત સરકાર ચાઇનાની ઍપ બૅન કરવામાં સક્રિય થઇ છે. ત્યારે 118 ચાઇનીઝ ઍપને બૅન કરવામાં આવી હતી તેમાં યુવાનોની પ્રિય ગેમ પબ-જી પણ સામેલ હતી. જે યુઝર્સના ફોનમાં આ ગેમ ડાઉનલોડ હતી તે રમી શકતા હતા પરંતુ આજથી એટલે કે 30 ઓક્ટોબરથી તે સંપૂર્ણ રીતે બંધ કરી દેવામાં આવી છે. હવે ડાઉનલોડેડ ગેમનો પણ ઉપયોગ નહી કરી શકાય.
આ સમાચાર જાહેર થતા જ સોશ્યલ મીડિયામાં ફરી આ ગેમ સંબંધિત મિમ્સ વાયરલ થયા હતા.
પબ-જીએ પોતાના અધિકૃત ફેસબૂક પેજથી ઘોષણા કરી કે 2 સપ્ટેમ્બર 2020એ આપેલા આદેશ બાદ ટેસેન્ટ કંપનીની દરેક ગેમ 30 ઑક્ટોબરથી બંધ કરી દેવામાં આવશે.
સરકાર દ્વારા લગાવવામાં આવેલ બૅન બાદ પણ જેના ફોનમાં આ ગેમ ડાઉનલોડ કરેલી હતી તે લોકો રમી જ શકતા હતા. પબ-જી મોબાઇલને યુઝરબેઝનો 25 ટકા હિસ્સો ભારતીય યુઝર્સનો છે.
ભારતમાં આ એપ બંધ થયા બાદ કંપનીને ઘણુ નુકસાન થયુ છે. બૅન બાદ ગેમની માર્કેટ વેલ્યુમાં 34 અરબ ડૉલર એટલે કે 2,48,000 રૂપિયાનું નુકસાન થયુ હતુ.