દુનિયા ડ્રોન અને ઍર-ઍમ્બ્યુલન્સનો આવિષ્કાર કરી રહી છે ત્યારે પાકિસ્તાનમાં ધામધૂમથી લૉન્ચ થઈ સાઇકલ-ઍમ્બ્યુલન્સ

કરાચીમાં સાઇકલ-ઍમ્બ્યુલન્સ સેવાનું ધામધૂમથી લોન્ચિંગ થતાં તેનો વિડિયો સોશિયલ મીડિયા પર વાયરલ થયો છે. દુનિયા ડ્રોન અને એર-ઍમ્બ્યુલન્સ તરફ આગળ વધી રહી છે ત્યારે પાકિસ્તાનની આ નવી સેવા અને તેના ભવ્ય લોન્ચને લઈને લોકો મજેદાર પ્રતિક્રિયાઓ આપી રહ્યા છે.

પાકિસ્તાન સાયકલ એમ્બ્યુલન્સ

તાજેતરમાં પાકિસ્તાનમાં કરાચીના મેયર સાઇકલ-ઍમ્બ્યુલન્સ લૉન્ચ કરતા હોય એવો વિડિયો સોશ્યલ મીડિયામાં વાઇરલ થયો છે. આ ઍમ્બ્યુલન્સના લૉન્ચ પ્રસંગે સ્થાનિક સરકારે જે રીતે એને ઇન્ટ્રોડ્યુસ કરી એને કારણે સોશ્યલ મીડિયા પર પાકિસ્તાનની ખૂબ ટાંગખિચાઈ થઈ રહી છે. દુનિયાભરમાં જ્યાં ડ્રોન અને ઍર-એમ્બ્યુલન્સની શોધ થઈ રહી છે ત્યારે કરાચીમાં હજી સાઇકલ-ઍમ્બ્યુલન્સની સેવા શરૂ થાય એની જાહેરાત આટલી વાજતેગાજતે કરવામાં આવે છે. એક ટીવી-ચૅનલની હેડલાઇનમાં જોવા મળ્યું હતું પાકિસ્તાને ૭૭ વર્ષની મહેનત બાદ આખરે સાઇકલ-ઍમ્બ્યુલન્સ બનાવી જ દીધી. 
સમજી શકાય છે કે આ સુવિધા સાંકડા વિસ્તારોમાં અથવા તો ટ્રાફિક-જૅમની તકલીફથી બચવા માટે શરૂ કરવામાં આવી હશે, પરંતુ એમાં માત્ર ફર્સ્ટ-એઇડ કિટ અને પ્રાઇમરી કક્ષાની દવાઓ જ લઈ જઈ શકે એવી વ્યવસ્થા છે. આ સુવિધાને રંગેચંગે લૉન્ચ કરવાનું કામ તો ખરેખર પાકિસ્તાનમાં જ થાય.