20 September, 2020 07:42 AM IST | Switzerland | Gujarati Mid-day Correspondent
ચૉકલેટ મ્યુઝિયમ
ચૉકલેટપ્રેમીઓ માટે આનંદના સમાચાર છે. ગયા અઠવાડિયે સ્વિટ્ઝરલૅન્ડના ઝુરિચમાં વિશ્વનું સૌથી મોટું ચૉકલેટ મ્યુઝિયમ ખૂલ્યું છે. ચૉકલેટરસિયાઓ માટે આ પ્લેસ મસ્ટ વિઝિટ છે, કેમ કે અહીં તમે જ્યાં-જ્યાં નજર કરો ત્યાં ચૉકલેટ જ ચૉકલેટ છે. દીવાલો પર પણ ચૉકલેટની સજાવટ છે. ૬૫,૦૦૦ સ્ક્વેર ફુટમાં પથરાયેલા આ મ્યુઝિયમમાં ચૉકલેટનો ફુવારો પણ છે જે ૩૦ ફુટ ઊંચો છે. એમાં પાણીની જગ્યાએ લિક્વિડ ચૉકલેટ ઝરતી રહે છે અને એ મ્યુઝિયમનું સૌથી મોટું આકર્ષણ છે. એમાં સ્વિસ ચૉકલેટ્સની વિવિધ વરાઇટી વેચતો સ્ટોર પણ છે.
સ્વિટ્ઝરલૅન્ડની ખાસિયત સમાન ચૉકલેટ્સ બનાવતાં શીખવું હોય તો એ પણ અહીં શક્ય છે. અહીં, ચૉકલેટના ઇતિહાસ, એની સાથે સંકળાયેલી પ્રોડક્ટ્સ અને બનાવવાની રીતો વિશે પણ જાણકારી આપવામાં આવે છે.