02 April, 2020 08:24 AM IST | Mumbai | Gujarati Mid-day Correspondent
સિંગલ મૅન ક્રિકેટ
બધા લોકો પોતપોતાના ઘરમાં કેદ છે ત્યારે દોસ્તોની સાથે રમવા જવાનું બહુ મન થતું હોય તો શું કરવાનું? પોતે સમય કેવી રીતે પસાર કરવો એના આઇડિયાઝવાળા અનેક વિડિયો વાઇરલ થઈ રહ્યા છે. લોકો પોતે કેવી રીતે ટાઇમપાસ કરે છે એનો વિડિયો બનાવીને ટિકટૉક પર મૂકી રહ્યા છે. એક ટિકટૉક-યુઝરે સિંગલ મૅન ક્રિકેટ ગેમનો વિડિયો બનાવ્યો છે જે ખૂબ વાઇરલ થયો છે. આ ભાઈસાહેબ પોતાના ઘરની ટેરેસ પર એકલા જ ક્રિકેટ રમી રહ્યા છે. તે પહેલાં બૉલ નાખીને દોડતો બીજી તરફ જઈને શૉટ મારે છે અને પછી દોડીને બીજી તરફ જઈને સ્ટમ્પ ઉખાડીને અપીલ કરે છે. બૅકગ્રાઉન્ડમાં ‘મેરે હાલાત ઐસે હૈ કિ મૈં કુછ કર નહીં સકતા’ ગીત ચાલી રહ્યું છે. આવા વિડિયો બનાવીને તે લૉકડાઉનમાં કેટલો બોર થઈ રહ્યો છે એવું આ ભાઈ કહેવા માગે છે, પણ આ વિડિયો જોઈને ઘણા લોકોનું મનોરંજન થયું.