01 September, 2020 06:54 AM IST | America | Gujarati Mid-day Correspondent
એક મિનિટમાં ૨૯ જેટલી મેટલ લાઇસન્સ-પ્લેટના ટુકડા કરી નાખ્યા
અમેરિકાના પ્રોફેશનલ વેઇટલિફ્ટિંગ ચૅમ્પિયન બિલ ક્લાર્કે માત્ર એક મિનિટમાં ૨૯ જેટલી મેટલ લાઇસન્સ-પ્લેટના હાથ વડે બે ટુકડા કરીને નવો ગિનેસ વર્લ્ડ રકૉર્ડ બનાવ્યો છે.
આ રેકૉર્ડ બનાવીને ક્લાર્કે બે વર્ષ પહેલાં બનાવેલો પોતાનો જ રેકૉર્ડ તોડ્યો હતો. આ વખતે તેણે બિન્ગહૅમ્ટનના એક સ્ટેડિયમમાં યુએસ સરકાર દ્વારા જારી કરાયેલી ૨૯ લાઇસન્સ-પ્લેટોને બે ભાગમાં ચીરી નાખી હતી.
રેકૉર્ડ માટે વપરાયેલી કાર-નંબરની પ્લેટોને તેણે હાથ વડે ચીરી નાખી હતી. આ ઇવેન્ટમાં એકઠાં થયેલા નાણાં કોરોના વાઇરસ ફ્રન્ટલાઇન કામદારો માટે દાન કરવામાં આવ્યાં હતાં.