18 October, 2019 10:35 AM IST |
એટીએમ
દુનિયા બહુ ફાસ્ટ વિકસી રહી છે એવો દાવો થઈ રહ્યો છે ત્યારે ઈસ્ટ આફ્રિકાનો એરિટ્રિઆ નામનો દેશ એવો છે જ્યાં એક પણ એટીએમ નથી. આ વાત એક-બે દાયકા પહેલાંની નહીં, આજની તારીખની થઈ રહી છે. ૨૦૧૯માં પણ હજી આ દેશમાં એટીએમ છે જ નહીં. આપણે ત્યાં મોબાઇલ આવી ગયા છે અને હવે પીસીઓ તો સાવ જ અદૃશ્ય થઈ ગયા છે, પરંતુ અહીંના લોકોને હજી પીસીઓમાં જ ફોન કરવા જવું પડે છે. પોતાના જ અકાઉન્ટમાંથી પૈસા કાઢવા હોય તો તેઓ એક મહિનામાં ૨૩,૫૦૦ રૂપિયાથી વધુની રકમ ઉઠાવી નથી શકતા. એ જ કારણોસર એક વ્યક્તિને કાર ખરીદવા ૧૧ મહિનાની રાહ જોવી પડેલી. તે દર મહિને પૈસા કાઢવાની નિયત મર્યાદા મુજબ પૈસા કાઢતો હતો. હા, ઘરમાં લગ્નપ્રસંગ હોય તો એ માટે તમારે સરકાર પાસેથી લેખિતમાં ખાસ પરવાનગી લઈને પૈસા ઉઠાવી શકો છો. એરિટ્રિઆમાં માત્ર એક જ ટેલિકૉમ કંપની છે એરીટેલ, જે સરકારના નિયંત્રણમાં છે અને એ સવિર્સ ખૂબ જ ખરાબ અને મોંઘી છે. અહીં મોબાઇલું સિમ ખરીદવાનું કામ પણ લોઢાના ચણા ચાવવા જેવું છે. એ માટે સ્થાનિક પ્રશાસનની મંજૂરી લેવી પડે છે.
આ પણ વાંચો : ઓડિશા ભાષામાં બોલતા રોબો ભોજન પીરસે છે આ રેસ્ટોરાંમાં
સિમ લીધા પછી પણ તમે મોબાઇલથી ઇન્ટરનેટ વાપરી શકો એમ નથી. ટૂરિસ્ટો જો ટેમ્પરરી સિમ કાર્ડ લેવા માગતા હોય તો એ માટે સરકારી પરવાનગીની જરૂર પડે છે. ધારો કે પરવાનગી મળી જાય તો દેશ છોડતી વખતે સિમ જમા કરાવ્યા પછી જ બહાર જવાનું અલાઉડ છે.