18 July, 2020 06:50 AM IST | New Delhi | Gujarati Mid-day Correspondent
પાણી પીતી ખિસકોલી
સોશ્યલ મીડિયા પર એક માણસના હાથમાં પાણીની બૉટલ જોઈને બે પગે ઊભી થઈને પીવાનું પાણી માગતી ખિસકોલીનો વિડિયો સોશ્યલ મીડિયા પર ફરી રહ્યો છે. એ લોકપ્રિય વિડિયો સોશ્યલ નેટવર્કિંગ સાઇટ ટ્વિટર પર પોસ્ટ કરાયા પછી એના ૩ લાખથી વધારે વ્યુઝ, ૧૫,૦૦૦થી વધારે વ્યુઝ, ૩૦૦૦થી વધારે રીટ્વીટ્સ તથા હજારો કમેન્ટ્સ નોંધાયાં છે.
વિડિયોમાં તરસી ખિસકોલીએ રસ્તે ચાલતા એક માણસના હાથમાં પાણીની બૉટલ જોતાં એ ઊભી થઈને પાણી માગવા માંડી અને બૉટલનું ઢાંકણું ખોલીને એના મોઢા પાસે ધર્યું ત્યારે એ ગટક-ગટક પાણી પીવા માંડી એ ઘટનાએ અનેક લોકોને ભાવવિભોર કર્યા છે.