22 February, 2021 09:17 AM IST | Londo | Gujarati Mid-day Correspondent
ઘરફોડુ ઍડમ્સ
બ્રિટનમાં એક મહિલાને તેના ઘરમાં ઘૂસેલા ચોરે એ ઘર પોતાનું હોવાનું જણાવીને ભગાડી દેતાં તે આશ્ચર્યચકિત થઈ ગઈ હતી. વાત એમ હતી કે ૨૦૨૦ની ૧૩ જુલાઈએ ચોરી કરવાના ઇરાદાથી ઘરમાં ફૂસેલા ચોરે આખો દિવસ ઘરમાં બિયર અને અન્ય ખોરાકની જ્યાફત ઉડાડી હતી. સાંજે જ્યારે ઘરમાલિકે તેની હાજરી પર પ્રશ્ન કર્યો ત્યારે પીને ટુન્ન બનેલા ચોરે તેને ચોપડાવી દીધી, ‘આખો દિવસ ઘરમાં હું રહ્યો છું એટલે આ ઘર મારું છે.’
આ ઘરફોડુ ઍડમ્સ ઘરનું તાળું તોડીને ઘૂસ્યો હતો અને તેણે ઘરમાં ઠેર-ઠેર પોતાનાં આંગળાંની છાપ છોડી હતી, જેને કારણે પોલીસ માટે એની માહિતી મેળવવી સરળ બની હતી. ઍડમ્સે ઘરમાં ઘૂસી પહેલાં મૂલ્યવાન ચીજો બૅગમાં ભરી અને પછી ફ્રિજમાંથી ઠંડો બિયર કાઢીને પીવાનું શરૂ કરતાં ટુન્ન થઈ ગયો હતો. સાંજે ઘરમાલિક આવ્યા બાદ તે રંગેહાથ ઝડપાઈ ગયો હતો.