11 February, 2021 07:23 AM IST | China
ગટરના ઢાંકણા પર બેસેલો બાળક
અન્ડરગ્રાઉન્ડ ગટરમાં મિથેન ગૅસ ભેગો થવાને કારણે તેમાં તણખો પડતાં સ્ફોટની શક્યતાઓ વધી જાય છે. ચીનમાં બાળકોને એ ગૅસ ચેમ્બર સમાન અન્ડરગ્રાઉન્ડ ગટર કે મૅનહોલમાં ફટાકડા ફેંકીને મોટા ધડાકા કરવાની આદત પડી છે. બાળકો આ ધડાકો થાય એ વખતે ગટરના ઢાંકણાં પર કોઈ બાળકને ઊભો પણ રાખે છે.
એને કારણે જ્યારે ધડાકો થાય અને ઢાંકણ ઊછળે ત્યારે એની ઉપરનું બાળક પણ હવામાં ફંગોળાઈને દૂર પડે છે. અત્યાર સુધીમાં લગભગ ત્રણ બાળકોએ આ રીતે ફટાકડા ફેંક્યા પછી હવામાં ફંગોળાવાના પ્રયોગો કર્યા છે. એનો વિડિયો સોશ્યલ મીડિયા પર વાઇરલ થયો છે. આ વાઇરલ વિડિયોનું અનુકરણ કરવાવાળા પણ ઊભા થઈ ગયા છે.