માટીની જ્વેલરીની વિદેશમાં જબરી ડિમાન્ડ

માટીની જ્વેલરીની વિદેશમાં જબરી ડિમાન્ડ

માટીની જ્વેલરીની વિદેશમાં જબરી ડિમાન્ડ

રાજસ્થાનના બાડમેર જિલ્લાના વિશાલા ગામમાં એક પરિવાર છેલ્લાં ૪૦ વર્ષથી માટીમાંથી જ્વેલરી બનાવીને વેચે છે. એકદમ ઇકો-ફ્રેન્ડલી અને અનોખા દાગીના હોવા છતાં તેની ડિમાન્ડ ભારતમાં જોઈએ એટલી નથી. નવાઈની વાત એ છે કે આ ઘરેણાંને વિદેશોમાં જેટલો ધંધો મળે છે એટલો ભારતમાં નથી. ઝમિન ખાન છેલ્લાં વીસ વર્ષથી માટીમાંથી જ્વેલરી બનાવે છે. આ પહેલાં તેના પિતાજી આ કામ કરતા હતા. નેકલેસ, લૉકેટ, બ્રેસલેટ જેવી ચીજો માટીમાંથી બનાવવામાં આવે છે. માટીના ઘરેણાંને સજાવવા માટે રંગબેરંગી ઊન, આભલાં વગેરેનો ઉપયોગ થાય છે. અત્યારે આ જ્વેલરી મુંબઈ, ઉદયપુર, રાજકોટ અને ઉનામાં આ પરિવાર જ્વેલરી વેચે છે.

આ પણ વાંચો : લાતે આર્ટ ચૅમ્પિયનશિપ

જોકે મોટા ભાગે આ ધંધામાં નફો મળતો ન હોવાથી તેઓ વિદેશ એક્સપોર્ટથી જ કમાણી કરે છે. સરકારી મેળામાં જ્વેલરીનું સારું વેચાણ થાય છે. ‌ઝમિમ ખાન તેના બાળકોને પણ આ કળા શીખવીને માટીનાં ઘરેણાંની પરંપરાને ટકાવી રાખવા માગે છે, પણ એનું માર્કેટિંગ કરવાનું અઘરું છે.