20 April, 2020 08:10 AM IST | Cape Town | Gujarati Mid-day Correspondent
પેંગ્વિન
કોરોના વાઇરસને કારણે સંપૂર્ણ વિશ્વમાં લૉકડાઉનની સ્થિતિ પ્રવર્તે છે. માનવીઓએ ફરજિયાતપણે ઘરમાં રહેવાનો વારો આવ્યો છે એવામાં પશુઓ બિન્ધાસ્ત રસ્તા પર વિહરતાં જોવા મળી રહ્યાં છે. ભારતમાં રસ્તા પર નીલગાય, સાબર ટહેલી રહ્યાના અને મોર નાચતો હોવાના સોશ્યલ મીડિયા પર વાઇરલ થયેલા વિડિયો જોઈને આશ્ચર્ય થાય છે. જોકે હવે કેપટાઉનમાં પેંગ્વિન રસ્તા પર ટહેલી રહ્યાં હોવાનો વિડિયો ટ્વિટર પર ફરી રહ્યો છે.
ઇન્ડિયન ફૉરેસ્ટ સર્વિસ ઑફિસર સુસાન્ત નંદાએ ટ્વિટર પર મૂકેલા 27 સેકન્ડના વિડિયોમાં પેંગ્વિન રસ્તો ક્રૉસ કરી રહ્યાં છે તો વળી કોઈ સોસાયટીમાં લટાર મારી રહ્યાં છે. રસ્તા પર ઘણાં જનાવરો ફરતાં જોઈ શકાય પણ પેંગ્વિનને રસ્તા પર આવેલાં જોવાં દુર્લભ છે.