17 May, 2020 06:00 PM IST | New York | Gujarati Mid-day Online Correspondent
ટિક-ટૉક પ્રેન્કર
આખા દેશમાં કોરોના વાઈરસનો ભય જોવા મળી રહ્યો છે. ત્યારે આ વાઈરસથી બચવા સરકારે લોકોને ઘરે રહેવાની સલાહ આપી છે અને 31 મે સુધી લૉકડાઉનની જાહેરાત કરી દીધી છે. તેવામાં લોકો ફ્રી સમયે પોતાનો ટેલેન્ટ દેખાડી રહ્યા છે. ટિક-ટૉક પર જાત-જાતના વીડિયો બનાવીને પોસ્ટ કરી રહ્યા છે. હાલ એક ટિક-ટૉક સ્ટાર પ્રેન્ક કરવાના ચક્કરમાં સોશિયલ મીડિયા પર પોતે જ ટ્રોલ થઈ ગયો છે. આ ટિક-ટૉક સ્ટાર એટલે ફૅમસ છે કે એની 30 લાખથી પણ વધારે ફૅન-ફૉલોઈંગ છે. ફક્ત એટલું જ નહીં તે પ્રેન્ક એટલે મજાક કરવા માટે પૂરી દુનિયામાં પ્રખ્યાત છે.
હાલમાં આ પ્રેન્કરનો એક વીડિયો ઘણો વાઈરલ થઈ રહ્યો છે, જેમાં આ ટિક-ટૉક સ્ટારે ન્યૂ-યૉર્ક સિટી સબવેમાં લોકો સાથે પ્રેન્ક કરવાના ચક્કરમાં દૂધ અને ખાવાની વસ્તુ લઈને મેટ્રો ટ્રેનમાં ચઢ્યો હતો અને તેણે તે ડબ્બો ટ્રેનમાં પાડી દીધો અને ટ્રેનમાં બધુ દૂધ ઢોળાઈ ગયુ. આ વીડિયો જોઈને લોકો ઘણા ગુસ્સે થઈ ગયા છે.
તમને જણાવી દઈએ કે આ પ્રેન્ક સ્ટારનું નામ જોશ પોપકિન છે. કેટલાક લોકોએ આ વીડિયો પર લાઈક્સ અને કમેન્ટ્સનો વરસાદ વરસાવી રહ્યા છે. ન્યૂ યોર્ક મેટ્રોપોલિટન ટ્રાન્સપોર્ટેશન ઓથોરિટી કર્મચારીઓ માટે અત્યંત અનાદરજનક છે. ત્યારે એક યૂઝરે ગુસ્સામાં કહ્યું, જેણે આ ગંદકી કરી છે, એણે જ સાફવું જોઈએ. તો કોઈએ લૉકડાઉન વચ્ચે કામ કરતા મજૂરોનું અપમાન કર્યું એવું લખ્યું.
જણાવી દઈએ કે જોશ પોપકિને બે દિવસ પહેલા પોતાના ટિક-ટૉક અકાઉન્ટથી આ વીડિયો શૅર કર્યો હતો. આ વીડિયોના શૅર થવાના કેટલાક કલાક બાદ જ આ વીડિયો વાઈરલ થઈ ગયો અને 50 લાખથી વધારે લોકોએ આ વીડિયો જોયો છે. પરંતુ લોકોનું રિએક્શન જોઈને આ વાત સ્પષ્ટ છે કે લોકોને આવા વર્તનથી ઘણો ગુસ્સો આવ્યો છે. એક વ્યક્તિએ એવો સવાલ કર્યો કે, શું લૉકડાઉન દરમિયાન પબ્લિક પ્લેસમાં આ પ્રેન્ક કરવું જરૂરી હતું?
આ વીડિયો વાયરલ થયા પછી 'ન્યૂ-યોર્ક મેટ્રોપોલિટન ટ્રાન્સપોર્ટેશન ઓથોરિટી'એ પણ પોતાના ટ્વિટર હેન્ડલથી તેની પ્રતિક્રિયા આપી છે. નવો નિયમ બનાવ્યો કે લૉકડાઉન દરમિયાન કામ કરી રહેલા મજૂરો સાથે પ્રેન્ક કરવુ અને ગંદકીને સાફ કરવું જોઈએ.