11 April, 2021 08:23 AM IST | New Delhi | Gujarati Mid-day Correspondent
સિક્યૉરિટી ગાર્ડ
સોશ્યલ મીડિયા પર અનેક વેળા એવા વિડિયો કે ફોટો પોસ્ટ થાય છે જે જોઈને દિલ ખુશ થવા સાથે ભાવુક પણ થઈ જાય છે. તાજેતરમાં ઇન્ટરનેટ પર એક ફોટો વાઇરલ થયો છે, જેમાં એટીએમનો સિક્યૉરિટી ગાર્ડ પોતાની ફરજ નિભાવવા સાથે મશીન પાસે જ જમીન પર બેસીને અભ્યાસ કરી રહ્યો છે.
આઇએએસ ઑફિસર અવનીશ શરણે ટ્વિટર પર આ ફોટો શૅર કરી કૅપ્શનમાં લખ્યું છે, ‘હો કહીં ભી આગ, લેકિન આગ હોની ચાહિયે.’ ફોટો જોઈને જ ખ્યાલ આવી શકે છે કે આ સિક્યૉરિટી ગાર્ડ જીવનમાં કાંઈક કરી છૂટવા કટિબદ્ધ છે.
આ ફોટોને અત્યાર સુધીમાં ૮૦૦૦ કરતાં વધુ લાઇક્સ મળી છે. લોકો સિક્યૉરિટી ગાર્ડની પ્રશંસા કરી રહ્યા છે તથા તેની ભાવનાને બિરદાવી રહ્યા છે.