18 June, 2020 07:25 AM IST | Michigan | Gujarati Mid-day Correspondent
સી પ્લેન
બિઅર અને આલ્કોહૉલ એવી ચીજ છે જે દુનિયાના કોઈ પણ છેડે બેઠેલી વ્યક્તિને ઘેરબેઠાં પહોંચાડો તો તે ખુશ થઈ જ જાય. મિશિગન રાજ્યની એક બિઅર કંપનીએ એ વૉટરફ્રન્ટ પાસે આવેલી કેટલીક દૂરની જગ્યાઓએ પણ માલ પહોંચાડી શકાશે એવી લિમિટેડ ઑફર રજૂ કરી હતી. નવાઈની વાત એ છે કે આ ઑફર બહાર પડતાં જ કંપનીને ઝટપટ ઑર્ડર મળી ગયા હતા. શૉર્ટ્સ બ્રુઇંગ કંપનીના માલિક અને સ્થાપક જો શૉર્ટે ખુદ સી પ્લેનમાં બેસીને આ લોકોને ડિલિવરી કરી હતી. સી પ્લેન દ્વારા ઘેરબેઠાં બિઅરની ડિલિવરી મેળવનારા કસ્ટમર્સ પણ ખુશખુશાલ છે અને હવે ફરી ક્યારે આવી ઑફર ખૂલશે એની રાહમાં છે.