09 December, 2019 09:00 AM IST | Madhya Pradesh
ચોરે લખેલી ચિઠ્ઠી
મધ્ય પ્રદેશના સાજાપુર જિલ્લાની ચોરીની ઘટના આજકાલ ચર્ચામાં છે. વાત એમ છે કે પ્રવેશ જોશી નામના એક ભાઈ બહારગામ ગયા હતા ત્યારે તેમના ઘરમાં ચોર ઘૂસ્યો. તેણે મોડી રાતે બારીનો કાચ તોડીને ઘરફોડી કરી હતી. તેણે આખું ઘર ફેંદ્યું અને પછી કંઈ ન મળતાં તેણે ચિઠ્ઠી લખી, ‘બહોત કંજૂસ હૈ રે તૂ. કાચ તોડવાની મહેનત પણ મને માથે પડી અને આખી રાત બગડી.’
આ પણ વાંચો : ભાડા પર આપવાનો ફ્લૅટ જોવા માટે 1750 લોકોની લાઇન લાગી
જ્યારે બીજા દિવસે સવારે ઘરમાં કામ કરવા આવતા નોકરને આ ચિઠ્ઠી મળી તો તે મૂંઝાઈ ગયો. જોકે ઘરફોડી થઈ હોવાથી તેણે પોલીસને ઘટનાની જાણ કરી હતી. એક પણ વસ્તુ ચોર્યા વિના ચોરભાઈ એમ જ ખાલી હાથે પાછા ફર્યા હતા એમ છતાં બારી તોડી હોવાથી ચોરીના પ્રયાસની ફરિયાદ નોંધવામાં આવી હતી.