સ્પેનની ગલીમાં ફરતો સિંહ હકીકતમાં શ્વાન નીકળ્યો

સ્પેનની ગલીમાં ફરતો સિંહ હકીકતમાં શ્વાન નીકળ્યો

સિંહ હકીકતમાં શ્વાન નીકળ્યો

સ્પેનમાં શહેરમાં ‍સિંહ ફરતો હોવાની ફરિયાદ સ્થાનિક પોલીસને મળી હતી, પરંતુ પોલીસે તપાસ કરતાં એ ખરેખર અસાધારણ હેરકટ કરેલો શ્વાન નીકળ્યો હતો. મોઇલા દ સેગુરા શહેરની સ્થાનિક પોલીસે જણાવ્યું હતું કે ‘અમને શહેરમાં સિંહ ફરતો હોવાની ફરિયાદો મળતાં અમે એ જાનવરને શોધીને પકડી લીધું હતું, પરંતુ હકીકતમાં એ મોટા કદનો શ્વાન હતો. શરીરનાં કદ, વ્યાપ, ધડ, માથું, પૂંછડી બધું આફ્રિકાના સિંહ જેવું હતું.

આ પણ વાંચો : કોરોના વાઈરસ: શિવજીએ પણ બાંધ્યો માસ્ક અને કહ્યું ડૉન્ટ ટચ મી પ્લીઝ

એના લાંબા વાળ પણ એવી રીતે ટ્રીમ કરવા (કાપવા)માં આવ્યા હતા કે એ સિંહ જેવો દેખાતો હતો. પોલીસે એ શ્વાનના શરીરમાં માઇક્રો ચિપ ગોઠવીને એના માલિકને શોધી કાઢ્યો હતો. ત્યાર પછી સિંહ જેવા શ્વાનનું માલિક સાથે પુનર્મિલન કરાવ્યું હતું.