22 November, 2020 07:33 AM IST | Kerala | Gujarati Mid-day Correspondent
કોરોના થૉમસ
અત્યાર સુધી આપણે કોરોના નામના ઉચ્ચાર સાથે ધિક્કારની ભાવના જોઈ છે. અનેક ઠેકાણે ‘ગો કોરોના ગો’ તેમ જ ‘કોરોના ભાગ જા’ એવા સૂત્રોચ્ચાર સાંભળ્યા છે. પરંતુ કેરળના કોલ્લમ શહેરના માથિલીલમાં આપણને ‘કોરોના ઝિંદાબાદ’ના સૂત્રોચ્ચાર સાંભળવા મળી શકે છે, કારણ કે કોલ્લમ મહાનગરપાલિકાની ચૂંટણીમાં માથિલીલ વૉર્ડનાં બીજેપીનાં મહિલા ઉમેદવારનું નામ કોરોના થૉમસ છે. ચૂંટણીના પ્રચારમાં એ મહિલા લોકોને નમસ્કાર કરતાં પોતાનો પરિચય ‘મારું નામ કોરોના’ કહીને આપે છે. ૨૪ વર્ષની એ યુવતી બે હાથ જોડીને વાત કરતા મતદારોના હાથમાં ચરણામૃતની માફક સૅનિટાઇઝર આપે છે અને કોલ્લમના નગરસેવકોની ચૂંટણીમાં માઇથિલી વૉર્ડમાંથી પોતાને ચૂંટવાની અપીલ કરે છે.