10 December, 2019 09:42 AM IST | Kanpur
ફોલ્ડેબલ સીડી
ભારતીય રેલવેમાં જો તમને ઉપરની બર્થ પર ટિકિટ મળી હોય તો એની પર ચડવાનું ઘણા લોકો માટે અઘરું બની જાય છે. જોકે આઇઆઇટી કાનુપરના પ્રોગ્રામ ડિઝાઇનિંગમાં પીએચડી કરનારા વિદ્યાર્થીઓએ સીટ પર ચડવા માટે ખાસ સીડી બનાવી છે જે ફોલ્ડેબલ છે. દરેક સીટ પાસે એ સીડી મૂકી શકાય એમ છે. જ્યારે ચડવું હોય ત્યારે એને ખોલી દેવાની અને ઉપર ચડી ગયા પછી બંધ કરીને લૉક પણ કરી શકાય છે. હાલમાં યુનિવર્સિટીએ ભારતીય રેલવેના અધિકારીઓને આ ડિઝાઇન ટ્રાયલ માટે મોકલી છે અને પેટન્ટ માટે અરજી કરી છે.