હેલોવીનમાં કૅન્ડી વહેંચવા માટે ગોફણગન અને ડિસ્પેન્સર્સનો જુગાડ થયો ફેમસ

હેલોવીનમાં કૅન્ડી વહેંચવા માટે ગોફણગન અને ડિસ્પેન્સર્સનો જુગાડ થયો ફેમસ

હેલોવીન કૅન્ડી

ઑક્ટોબર મહિનો શરૂ થતાં જ તહેવારોની જાણે કે લાઇન લાગી જાય છે, જેનો અંત ડરો-ડરાવો ફેસ્ટિવલ હેલોવીનથી થાય છે. લોકો ભૂતિયા કે ડરામણા વેશ સાથે એકઠા થઈને પાર્ટી કરે છે અને બાળકો તેમની પસંદગીનાં પૌરાણિક પાત્રોમાં તૈયાર થઈ આડોશપાડોશમાં જઈને મીઠું મોઢું કરે છે. અલબત્ત, કોરોનાને કારણે હેલોવીન ફેસ્ટિવલના ઉમંગમાં પણ ઓટ આવેલી દેખાય છે. બાળકોને કૅન્ડી વહેંચતી વખતે સોશ્યલ ડિસ્ટન્સિંગનું પાલન થાય એ માટે જાતજાતના જુગાડનો આવિષ્કાર થયો છે. ક્યાંક કોઈકે ગોફણની જેમ કૅન્ડી છૂટે એવી ગોફણગન બનાવી છે તો કોઈકે લાંબી પાઇપ બનાવી છે જેના એક છેડેથી કૅન્ડી નાખો તો લાંબા અંતરે આવેલા બીજા છેડેથી એ બહાર નીકળે.